Vakning í þörungarækt
Formaður félagsins, Sigurður Pétursson, var í ítarlegu viðtali við sjávarútvegsblað Morgunblaðsins, 200 mílur.
Þar segir meðal annars:
“Þótt hér séu góðar aðstæður til stórframleiðslu á þörungum, bæði í sjó og á landi, er framleiðslan lítil. Þó virðist vera vakning í atvinnugreininni. Þörungar eru unnir til matvælaframleiðslu og ýmiss konar iðnaðar.
Það er þó ávinningurinn fyrir umhverfið sem menn staldra sérstaklega við, því þörungarækt fylgir ekkert kolefnisfótspor, ólíkt annarri matvælaframleiðslu því þörungarnir binda koltvísýring (CO2) úr andrúmsloftinu.”