Ráðherra segir mikil tækifæri í þörungarækt
Nýlega birti Matvælaráðuneytið út skýrslu um lagareldi sem ráðgjafafyrirtækið Boston Consulting Group vann fyrir ráðuneytið. Þar er m.a. fjallað um smá- og stórþörungarækt. Skýrsluna má lesa hér, en hún er í samráðsferli.
Á fundi með atvinnuveganefnd í kjölfar skýrslunnar, var ráðherra spurð um framtíðaráætlanir í þörungarækt.
Samkvæmt Morgunblaðinu, “kvað [ráðherra] mikil tækifæri felast í þörungarækt og þar mætti vel auka umfang, spurningin þar snerist um rannsóknir, raforku og vatn. „Við erum í kjörstöðu til að grípa þau tækifæri eins og svo mörg önnur og nýta þessa styrkleika. Það er spurning um aukna þekkingu og frekari rannsóknir eins og fram hefur komið,“ sagði Svandís og benti á góða kafla í skýrslu BCG um þörungaeldi sérstaklega.”